Glamour

ANTM kveður skjáinn

Ritstjórn skrifar
Tyra Banks
Tyra Banks
Fyrrum fyrirsætan Tyra Banks hefur tilkynnt að 22. serían af Americas Next Top Model, sem er í sýningum núna, verði sú síðasta og að lokaþátturinn verði sýndur á afmælisdegi hennar 4. desember. 

Tyra tilkynnti þetta á twitter síðu sinni, og var tilkynningin í anda þáttanna þar sem hún sagði að sér hefði borist „Tyra mail“ líkt og keppendur fá í þáttunum og hvatti hún fólk til að halda áfram að „smizing“ sem er hennar orð yfir það að brosa með augunum.

Þættirnir fóru fyrst í loftið árið 2003 og hafa því verið í sýningu í tólf ár. 

Banks, sem var í Harvard Buisness School samhliða þáttunum, ætlar að einbeita sér að spjallþættinum sínum The Tyra Banks Show ásamt nýjum þætti, The FABLife, sem hún stýrir ásamt fyrirsætunni Chrissy Teigan.

Mest lesið




×

Mest lesið