Umfjöllun: Holland - Ísland 0-1 | Strákarnir okkar einu stigi frá EM Kolbeinn Tumi Daðason og Tómas Þór Þórðarson skrifa 3. september 2015 20:30 Vísir/Valli Íslendingar sitja sem fastast í toppsæti A-riðli undankeppni Evrópumótsins í knattspyrnu eftir frækinn útisigur á Hollandi á Amsterdam Arena í kvöld, 1-0. Gylfi Þór Sigurðsson skorað eina markið úr vítaspyrnu snemma í síðari hálfleik eftir að brotið var á Birki Bjarnasyni. Okkar menn spiluðu manni fleiri í sextíu mínútur eftir að Bruno Martins Indi, varnarmanni Hollands, var réttilega vísað af velli eftir að hafa slegið til Kolbeins Sigþórssonar. Eins og vitað var stillti íslenska liðið upp með skipulegan varnarleik líkt og í fyrri leiknum. Holland var meira með boltann eins og landsliðsþjálfararnir höfðu talað um. Þeir voru það líka í fyrri leiknum þegar Ísland vann. Þrátt fyrir að verjast meira og minna framan af fyrri hálfleik var það Jón Daði Böðvarsson sem fékk besta færi leiksins. Jóhann Berg Guðmundsson sendi boltann fyrir markið en Jón Daði náði ekki að koma fæti í boltann á marklínunni. Jón Daði hefur verið sjóðheitur með Viking upp á síðkastið og er búinn að skora grimmt í Noregi. Hann hefur vanalega ekki skort sjálfstraust í landsleikjum en fyrri hálfleikurinn var ekki hans besti. Holland náði góðum tökum á leiknum eftir fimmtán mínútur og hófst þá varnarkafli hjá íslenska liðinu. Varnarleikurinn var góður en Hollendingar voru þó skarpari en í fyrri leiknum. Heimamenn vildu koma boltanum í fætur Klaas-Jan Huntelaar fyrir framan teiginn og fá þar hlaup frá sínum stórhættlegu miðju- og kantmönnum. Strákarnir okkar lentu í smá brasi með sum upphlaup Hollendinganna en þeir fengu engu að síður engin svakaleg færi upp úr þessu.Arjen Robben þurfti að fara af velli.vísir/valliArjen Robben, leikmaður Bayern München og fyrirliði Hollands, nýtti sér þó barninginn fyrir framan teiginn í eitt skiptið og henti sér niður eins og honum einum er lagið. Karma beit hann í afturendann þegar Huntelaar fór óvart fyrir góða spyrnu hans á markið. Robben var virkilega hættulegur þann tíma sem hann var kominn inn á. Leikmenn íslenska liðsins og stuðningsmenn á vellinum og hér heima gátu því aðeins andað léttar þegar fyrirliðinn skipti sér út af vegna nárameiðsla. Þó staðan væri markalaus í hálfleik var það Ísland sem kom betur út úr fyrri 45 mínútunum; Robben fór af velli og Holland missti sinn besta varnarmann af velli með rautt spjald. Fyrri hálfleikurinn fór úr öskunni í eldinn hjá Hollandi þegar Bruno Martins Indi átti sitt Jan Koller-móment. Hann veit reyndar ekkert um þá sögu en það gerum við Íslendingar.Bruno Martins Indi fær rauða spjaldið.vísir/valliKolbeinn Sigþórsson og Martins Indi áttust upp við hornfána Hollands hægra megin. Kolbeinn var aðgangsharður til að hindra Martins í að koma boltanum í skyndisókn og lagðist með varnarmanninum í grasið. Indi tók því ekki vel og sló Kolbein í andlitið beint fyrir framan aðstoðardómarann. Rautt spjald niðurstaðan og þurfti Danny Blind, þjálfari Hollands, þá að nota aðra skiptingu. Hann tók framherjann Klaas-Jan Huntelaar af velli. Manni færri minnti United-stjarnan Memphis á einstaklingsgæði Hollands þegar Hannes Þór Halldórsson hafði sig allan við að verja frá honum aukaspyrnu. Fyrri hálfleikurinn leið undir lok - bæði lið meira en tilbúin að komast til búningsklefa og endurmeta stöðuna. Seinni hálfleikurinn var ekki fimm mínútna gamall þegar Ísland fékk vítaspyrnu. Okkar menn settu upp fína pressu við teig heimamanna sem endaði með því að Birkir Bjarnason fiskaði vítaspyrnu á svipaðan hátt og hann gerði hér heima. Frábærlega gert hjá Birki. Gylfi Þór Sigurðsson steig á punktinn gegn líklega lélegasta markverði heims þegar kemur að því að verja vítaspyrnur, Jasper Cillesen. Ajax-maðurinn er svo slakur að Louis van Gaal tók hann úr markinu í framlengingu á HM í fyrra til að setja Tim Krul inn á. Já, þetta er hann. Spyrnan hjá Gylfa var góð, föst í vinstra hornið, en Cillesen fór í rétt horn. Sem betur fer getur maðurinn bara ekki varið víti og Ísland því í draumalandinu; 1-0 yfir á 51. mínútu.Jóhann Berg Guðmundsson í baráttu við Daley Blind.vísir/valliManni fleiri og marki yfir var samt smá stress í strákunum okkar enda fóru þeir ekkert fram úr sér. Þeir vissu alveg hvar þeir voru og hvers mótherjinn var megnugur. Strákarnir duttu stundum aðeins í að sparka boltanum bara eitthvað, en varnarleikurinn áfram góður og þegar boltinn var tekinn niður var hugmynd á bakvið aðgerðirnar. Stressið hvarf þó með hverri mínútunni og fóru okkar strákar að geisla af sjálfstrausti. Það hjálpaði líka til að Hollendingarnir virtust algjörlega ráðþrota. Það kristalaðist eiginlega í því þegar Ragnar Sigurðsson stoppaði með boltann við íslenska teiginn, setti hendur á mjaðmir en fékk enga pressu á sig. Eiður Smári Guðjohnsen kom inn á til að Ísland færi að halda boltanum betur. Eiður virkaði í betra standi þegar hann spilaði gegn Kasakstan í mars, en gæði hans eru engu að síður óumdeilanleg. Honum líður vel með boltann og strákunum í liðinu líður vel þegar hann er með hann.Ísland fékk rosalegan stuðning í kvöld.vísir/gettyHollendingarnir áttu sín skot í seinni hálfleik þrátt fyrir að vera manni færri. Uppspil þeirra og skyndisóknir komu íslenska liðinu stundum í vandræði, en í markinu var Hannes Þór Halldórsson traustur sem eik. Hannes sinnti sinni vakt af mikilli fagmennsku; varði allt frá markinu, hélt því sem hann átti að halda kýldi burt það sem burt þurfti að kýla. Holland komst þó ekkert nær. Hannes var ósigrandi og varnarlínan mögnuð sem og allur varnarleikur liðsins. Áfram sýna þó Kári Árnason og Ragnar Sigurðsson að þeir eru með betri varnarpörum fótboltans í dag. Ísland aðeins fengið á sig þrjú mörk í sjö leikjum. Lokatölur í Amsterdam ótrúlegar; 1-0 sigur Íslands og strákarnir okkar búnir að vinna Holland tvisvar sinnum, án þess að fá á sig mark, í þessari undankeppni. Ísland er fyrsta liðið sem vinnu báða leikina gegn Hollandi í undankeppni í 20 ár. Strákarnir í draumaheimi og staðan er einföld: Ef Ísland fær stig gegn Kasakstan á Laugardalsvellinum á sunnuadaginn förum við á Evrópumótið 2016. Gæsahúð. EM 2016 í Frakklandi Tengdar fréttir Tyrkland náði aðeins jafntefli gegn Lettlandi Tyrkland náði aðeins jafntefli gegn Lettlandi á heimavelli í kvöld en jöfnunarmark Lettlands kom í uppbótartíma. Tyrkland situr því áfram í 4. sæti riðilsins eftir leiki kvöldsins þegar þrjár umferðir eru eftir. 3. september 2015 15:40 Tékkland vann nauman sigur á Kasakstan í Plzen Tékkland vann nauman 2-1 sigur á Kasakstan í Plzen í kvöld en sigurmark Tékklands kom þegar aðeins fimm mínútur voru til leiksloka. 3. september 2015 15:21 Mest lesið Rekinn vegna gruns um nýtt brot gegn barni Fótbolti Ten Hag rekinn frá Man. Utd Enski boltinn Hugsuðu út fyrir kassann og bjuggu til ókeypis stúkusæti Fótbolti Kristinn Jónsson kinnbeinsbrotinn og fékk heilahristing Íslenski boltinn Lést eftir árás frá bullum erkifjendanna Fótbolti Segja Man. Utd með fimm manna lista en hver er líklegastur? Enski boltinn Man United sett sig í samband við Amorim Enski boltinn Sænska landsliðskonan gleymdi að klæða sig í treyjuna Fótbolti „Hefði verið ógeðslega tilfinning ef allt væri búið og maður væri kominn í frí“ Íslenski boltinn Býst við að hætta áður en VAR nær til Íslands Íslenski boltinn Fleiri fréttir FCK lýsti yfir áhyggjum sínum fyrir læti helgarinnar í Bröndby Rodri bestur í heimi 2024 Bonmatí best í heimi annað árið í röð Real Madríd og Barcelona lið ársins Yamal besti ungi leikmaður heims Valur staðfestir í annað sinn að Fanney Inga sé á leið til Svíþjóðar Man United sett sig í samband við Amorim „Hefði verið ógeðslega tilfinning ef allt væri búið og maður væri kominn í frí“ Telja að Rodri vinni Gullboltann og Vinícius mæti því ekki Glódís Perla í 22. sæti yfir bestu leikmenn heims Kristinn Jónsson kinnbeinsbrotinn og fékk heilahristing Palmer líkt við Zola: Þekki hann bara úr FIFA leiknum Túfa stýrir Val á næsta tímabili Fyrsta félagið í áratug sem vinnur hjá báðum kynjum Pétur hafi ekki verið rekinn: „Sameiginleg ákvörðun“ Segja Man. Utd með fimm manna lista en hver er líklegastur? Myndasyrpa: Blikar fögnuðu titlinum með aðdáendum Rekinn vegna gruns um nýtt brot gegn barni Ten Hag rekinn frá Man. Utd Segir Man. United menn hafa verið beitta alvarlegu óréttlæti Býst við að hætta áður en VAR nær til Íslands Útiliðin hafa fagnað í öllum úrslitaleikjunum síðustu 26 ár Sænska landsliðskonan gleymdi að klæða sig í treyjuna „Ég hefði getað skorað átta eða níu mörk í þessum leik“ Hugsuðu út fyrir kassann og bjuggu til ókeypis stúkusæti „Þetta er bara hundfúlt“ Syrgja 25 ára gamlan markvörð sinn Karólína skoraði beint úr horni á móti þeim bandarísku: „Sjúklega ánægð“ Myndaveisla frá Íslandsmeistarafögnuði Blika Lést eftir árás frá bullum erkifjendanna Sjá meira
Íslendingar sitja sem fastast í toppsæti A-riðli undankeppni Evrópumótsins í knattspyrnu eftir frækinn útisigur á Hollandi á Amsterdam Arena í kvöld, 1-0. Gylfi Þór Sigurðsson skorað eina markið úr vítaspyrnu snemma í síðari hálfleik eftir að brotið var á Birki Bjarnasyni. Okkar menn spiluðu manni fleiri í sextíu mínútur eftir að Bruno Martins Indi, varnarmanni Hollands, var réttilega vísað af velli eftir að hafa slegið til Kolbeins Sigþórssonar. Eins og vitað var stillti íslenska liðið upp með skipulegan varnarleik líkt og í fyrri leiknum. Holland var meira með boltann eins og landsliðsþjálfararnir höfðu talað um. Þeir voru það líka í fyrri leiknum þegar Ísland vann. Þrátt fyrir að verjast meira og minna framan af fyrri hálfleik var það Jón Daði Böðvarsson sem fékk besta færi leiksins. Jóhann Berg Guðmundsson sendi boltann fyrir markið en Jón Daði náði ekki að koma fæti í boltann á marklínunni. Jón Daði hefur verið sjóðheitur með Viking upp á síðkastið og er búinn að skora grimmt í Noregi. Hann hefur vanalega ekki skort sjálfstraust í landsleikjum en fyrri hálfleikurinn var ekki hans besti. Holland náði góðum tökum á leiknum eftir fimmtán mínútur og hófst þá varnarkafli hjá íslenska liðinu. Varnarleikurinn var góður en Hollendingar voru þó skarpari en í fyrri leiknum. Heimamenn vildu koma boltanum í fætur Klaas-Jan Huntelaar fyrir framan teiginn og fá þar hlaup frá sínum stórhættlegu miðju- og kantmönnum. Strákarnir okkar lentu í smá brasi með sum upphlaup Hollendinganna en þeir fengu engu að síður engin svakaleg færi upp úr þessu.Arjen Robben þurfti að fara af velli.vísir/valliArjen Robben, leikmaður Bayern München og fyrirliði Hollands, nýtti sér þó barninginn fyrir framan teiginn í eitt skiptið og henti sér niður eins og honum einum er lagið. Karma beit hann í afturendann þegar Huntelaar fór óvart fyrir góða spyrnu hans á markið. Robben var virkilega hættulegur þann tíma sem hann var kominn inn á. Leikmenn íslenska liðsins og stuðningsmenn á vellinum og hér heima gátu því aðeins andað léttar þegar fyrirliðinn skipti sér út af vegna nárameiðsla. Þó staðan væri markalaus í hálfleik var það Ísland sem kom betur út úr fyrri 45 mínútunum; Robben fór af velli og Holland missti sinn besta varnarmann af velli með rautt spjald. Fyrri hálfleikurinn fór úr öskunni í eldinn hjá Hollandi þegar Bruno Martins Indi átti sitt Jan Koller-móment. Hann veit reyndar ekkert um þá sögu en það gerum við Íslendingar.Bruno Martins Indi fær rauða spjaldið.vísir/valliKolbeinn Sigþórsson og Martins Indi áttust upp við hornfána Hollands hægra megin. Kolbeinn var aðgangsharður til að hindra Martins í að koma boltanum í skyndisókn og lagðist með varnarmanninum í grasið. Indi tók því ekki vel og sló Kolbein í andlitið beint fyrir framan aðstoðardómarann. Rautt spjald niðurstaðan og þurfti Danny Blind, þjálfari Hollands, þá að nota aðra skiptingu. Hann tók framherjann Klaas-Jan Huntelaar af velli. Manni færri minnti United-stjarnan Memphis á einstaklingsgæði Hollands þegar Hannes Þór Halldórsson hafði sig allan við að verja frá honum aukaspyrnu. Fyrri hálfleikurinn leið undir lok - bæði lið meira en tilbúin að komast til búningsklefa og endurmeta stöðuna. Seinni hálfleikurinn var ekki fimm mínútna gamall þegar Ísland fékk vítaspyrnu. Okkar menn settu upp fína pressu við teig heimamanna sem endaði með því að Birkir Bjarnason fiskaði vítaspyrnu á svipaðan hátt og hann gerði hér heima. Frábærlega gert hjá Birki. Gylfi Þór Sigurðsson steig á punktinn gegn líklega lélegasta markverði heims þegar kemur að því að verja vítaspyrnur, Jasper Cillesen. Ajax-maðurinn er svo slakur að Louis van Gaal tók hann úr markinu í framlengingu á HM í fyrra til að setja Tim Krul inn á. Já, þetta er hann. Spyrnan hjá Gylfa var góð, föst í vinstra hornið, en Cillesen fór í rétt horn. Sem betur fer getur maðurinn bara ekki varið víti og Ísland því í draumalandinu; 1-0 yfir á 51. mínútu.Jóhann Berg Guðmundsson í baráttu við Daley Blind.vísir/valliManni fleiri og marki yfir var samt smá stress í strákunum okkar enda fóru þeir ekkert fram úr sér. Þeir vissu alveg hvar þeir voru og hvers mótherjinn var megnugur. Strákarnir duttu stundum aðeins í að sparka boltanum bara eitthvað, en varnarleikurinn áfram góður og þegar boltinn var tekinn niður var hugmynd á bakvið aðgerðirnar. Stressið hvarf þó með hverri mínútunni og fóru okkar strákar að geisla af sjálfstrausti. Það hjálpaði líka til að Hollendingarnir virtust algjörlega ráðþrota. Það kristalaðist eiginlega í því þegar Ragnar Sigurðsson stoppaði með boltann við íslenska teiginn, setti hendur á mjaðmir en fékk enga pressu á sig. Eiður Smári Guðjohnsen kom inn á til að Ísland færi að halda boltanum betur. Eiður virkaði í betra standi þegar hann spilaði gegn Kasakstan í mars, en gæði hans eru engu að síður óumdeilanleg. Honum líður vel með boltann og strákunum í liðinu líður vel þegar hann er með hann.Ísland fékk rosalegan stuðning í kvöld.vísir/gettyHollendingarnir áttu sín skot í seinni hálfleik þrátt fyrir að vera manni færri. Uppspil þeirra og skyndisóknir komu íslenska liðinu stundum í vandræði, en í markinu var Hannes Þór Halldórsson traustur sem eik. Hannes sinnti sinni vakt af mikilli fagmennsku; varði allt frá markinu, hélt því sem hann átti að halda kýldi burt það sem burt þurfti að kýla. Holland komst þó ekkert nær. Hannes var ósigrandi og varnarlínan mögnuð sem og allur varnarleikur liðsins. Áfram sýna þó Kári Árnason og Ragnar Sigurðsson að þeir eru með betri varnarpörum fótboltans í dag. Ísland aðeins fengið á sig þrjú mörk í sjö leikjum. Lokatölur í Amsterdam ótrúlegar; 1-0 sigur Íslands og strákarnir okkar búnir að vinna Holland tvisvar sinnum, án þess að fá á sig mark, í þessari undankeppni. Ísland er fyrsta liðið sem vinnu báða leikina gegn Hollandi í undankeppni í 20 ár. Strákarnir í draumaheimi og staðan er einföld: Ef Ísland fær stig gegn Kasakstan á Laugardalsvellinum á sunnuadaginn förum við á Evrópumótið 2016. Gæsahúð.
EM 2016 í Frakklandi Tengdar fréttir Tyrkland náði aðeins jafntefli gegn Lettlandi Tyrkland náði aðeins jafntefli gegn Lettlandi á heimavelli í kvöld en jöfnunarmark Lettlands kom í uppbótartíma. Tyrkland situr því áfram í 4. sæti riðilsins eftir leiki kvöldsins þegar þrjár umferðir eru eftir. 3. september 2015 15:40 Tékkland vann nauman sigur á Kasakstan í Plzen Tékkland vann nauman 2-1 sigur á Kasakstan í Plzen í kvöld en sigurmark Tékklands kom þegar aðeins fimm mínútur voru til leiksloka. 3. september 2015 15:21 Mest lesið Rekinn vegna gruns um nýtt brot gegn barni Fótbolti Ten Hag rekinn frá Man. Utd Enski boltinn Hugsuðu út fyrir kassann og bjuggu til ókeypis stúkusæti Fótbolti Kristinn Jónsson kinnbeinsbrotinn og fékk heilahristing Íslenski boltinn Lést eftir árás frá bullum erkifjendanna Fótbolti Segja Man. Utd með fimm manna lista en hver er líklegastur? Enski boltinn Man United sett sig í samband við Amorim Enski boltinn Sænska landsliðskonan gleymdi að klæða sig í treyjuna Fótbolti „Hefði verið ógeðslega tilfinning ef allt væri búið og maður væri kominn í frí“ Íslenski boltinn Býst við að hætta áður en VAR nær til Íslands Íslenski boltinn Fleiri fréttir FCK lýsti yfir áhyggjum sínum fyrir læti helgarinnar í Bröndby Rodri bestur í heimi 2024 Bonmatí best í heimi annað árið í röð Real Madríd og Barcelona lið ársins Yamal besti ungi leikmaður heims Valur staðfestir í annað sinn að Fanney Inga sé á leið til Svíþjóðar Man United sett sig í samband við Amorim „Hefði verið ógeðslega tilfinning ef allt væri búið og maður væri kominn í frí“ Telja að Rodri vinni Gullboltann og Vinícius mæti því ekki Glódís Perla í 22. sæti yfir bestu leikmenn heims Kristinn Jónsson kinnbeinsbrotinn og fékk heilahristing Palmer líkt við Zola: Þekki hann bara úr FIFA leiknum Túfa stýrir Val á næsta tímabili Fyrsta félagið í áratug sem vinnur hjá báðum kynjum Pétur hafi ekki verið rekinn: „Sameiginleg ákvörðun“ Segja Man. Utd með fimm manna lista en hver er líklegastur? Myndasyrpa: Blikar fögnuðu titlinum með aðdáendum Rekinn vegna gruns um nýtt brot gegn barni Ten Hag rekinn frá Man. Utd Segir Man. United menn hafa verið beitta alvarlegu óréttlæti Býst við að hætta áður en VAR nær til Íslands Útiliðin hafa fagnað í öllum úrslitaleikjunum síðustu 26 ár Sænska landsliðskonan gleymdi að klæða sig í treyjuna „Ég hefði getað skorað átta eða níu mörk í þessum leik“ Hugsuðu út fyrir kassann og bjuggu til ókeypis stúkusæti „Þetta er bara hundfúlt“ Syrgja 25 ára gamlan markvörð sinn Karólína skoraði beint úr horni á móti þeim bandarísku: „Sjúklega ánægð“ Myndaveisla frá Íslandsmeistarafögnuði Blika Lést eftir árás frá bullum erkifjendanna Sjá meira
Tyrkland náði aðeins jafntefli gegn Lettlandi Tyrkland náði aðeins jafntefli gegn Lettlandi á heimavelli í kvöld en jöfnunarmark Lettlands kom í uppbótartíma. Tyrkland situr því áfram í 4. sæti riðilsins eftir leiki kvöldsins þegar þrjár umferðir eru eftir. 3. september 2015 15:40
Tékkland vann nauman sigur á Kasakstan í Plzen Tékkland vann nauman 2-1 sigur á Kasakstan í Plzen í kvöld en sigurmark Tékklands kom þegar aðeins fimm mínútur voru til leiksloka. 3. september 2015 15:21