Áhorfandi lést eftir að hafa fallið úr stúkunni

Áhorfandi á hafnaboltaleik í Bandaríkjunum lést þegar hann féll úr stúkunni á Turner Field vellinum á laugardagskvöldið.

Þá mættust Atlanta Braves og New York Yankees í bandarísku MLB-deildinni í hafnarbolta.

Maðurinn var á sextugsaldri og var hann úrskurður látinn á Grady Memorial spítalanum í Atlanta nokkrum klukkustundum eftir fallið.

Maðurinn féll úr stúkunni þegar aðalstjarna Yankees, Alex Rodriguez var kynntur til leiks.

Þetta er í þriðja sinn sem aðili lætur lífið á vellinum og það á aðeins átta tímabilum. Árið 2013 framdi áhorfandi sjálfsmorð og árið 2008 lést maður með svipuðum hætti og í gærkvöldi.