AC Milan með góðan sigur á Empoli

Tveir leikir fóru fram í ítölsku seríu A-deildinni í kvöld en AC Milan vann góðan sigur á Empoli  á heimavelli 2-1.

Carlos Bacca  gerði fyrsta mark leiksins eftir tuttugu mínútna leik og það var síðan Luiz Adriano sem skoraði sigurmark AC Milan tuttugu mínútum fyrir leikslok en áður hafði Empoli jafnað metin.

Þá vann Sassuolo  fínan útisigur á Bologna 1-0 en Sassuolo er með fullt hús stiga í efsta sæti deildarinnar með sex stig eftir tvær umferðir. Reyndar hafa bara fjögur lið leiki tvívegis í deildinni.