Harden fær 26 milljarða fyrir að spila í Adidas

Adidas stendur höllum fæti í baráttunni við Nike á körfuboltaskómarkaðnum.

Fyrirtækið gerir þó sitt besta til þess að standa í fæturnar og nú er fyrirtækið búið að landa stórum fiski.

James Harden, stórstjarna Houston Rockets, er nefnilega búinn að skrifa undir risasamning við Adidas.

Samningurinn er ansi langur eða til 13 ára. Á því tímabili mun Harden fá litla 26 milljarða króna. Nike hafði ekki áhuga á því að jafna þetta tilboð.

Harden var á samningi hjá Nike en Nike er með nóg af mönnum fyrir og Adidas er nú komið með stórt andlit á sína skólínu.