Enn marklaust hjá Þrótti

Fylkir vann í kvöld öruggan sigur á Þrótti, 4-0, í Pepsi-deild kvenna. Fylkir komst þar með upp í sjötta sæti deildarinnar en liðið er með þrettán stig.

Berglind Björg Þorvaldsdóttir skoraði tvö mörk fyrir Fylki í kvöld og þær Jasmín Erla Ingadóttir og Hulda Hrund Arnarsdóttir eitt hvor.

Þróttur er í næstneðsta sæti deildarinnar með tvö stig og markatöluna 1-25. Eina markið sem liðið hefur skorað í sumar var sjálfsmark í leik gegn Íslandsmeisturum Stjörnunnar.