Hilmar Örn gerði þrívegis ógilt

Hilmar Örn Jónsson er úr leik í sleggjukasti karla á Evrópumeistarmóti 19 ára og yngri í frjálsíþróttum. Hann gerði þrívegis ógilt í forkeppni í morgun.

EM hófst í morgun en Hilmar Örn átti fjórða besta kast ársins í Evrópu í þessum aldursflokki. Kasta þurfti 73 m til að komast í úrslit en Íslandsmet Hilmars Arnar nítján ára og yngri er 78,07 m.

Aníta Hinriksdóttir keppir síðar í dag í undanrásum 800 m hlaupi kvenna en Vigdís Jónsdóttir og Tristan Freyr Jónsson keppa einnig á mótinu fyrir hönd Íslands.