Ný kynslóð af Griswold-fjölskyldunni

Griswold-fjölskyldan er mætt aftur en í sumar kemur út myndin Vacation frá Warner Bros. Það muna flestir eftir myndunum með Chevy Chase en nú er komið að syni hans Rusty Griswold og fjölskyldu hans.

Ed Helms, sem er þekktur fyrir sitt hlutverk í Hangover, fer með hlutverk Rusty. Það er síðan Christina Applegate sem leikur eiginkonu hans.

Fyrsta myndin af þessari tegund kom út árið 1983 og hét hún einnig Vacation. Því næst komu út myndirnar Christmas Vacation, European Vacation og Vegas Vacation. Nú má sjá nýtt sýnishorn frá næstu mynd þar sem Rusty fer með fjölskyldu sína í ferðalag í ævintýragarðinn Walley World. Myndin verður frumsýnd 29. júlí.