Maríu fylgt eftir: Kjóllinn frumsýndur í Kringlunni

María Ólafsdóttir Eurovision-fari frumflutti tvö ný lög á tónleikum í Kringlunni um helgina. Jafnframt var kjólinn sem María mun klæðast á sviðinu í Vín í næstu viku frumsýndur áhorfendum.

Framlag okkar Íslendinga í keppninni í ár, Unbroken, var svo tekið undir lokin. Fjölmargir mættu á tónleikana og gaf María sér tíma eftir þá til að gefa aðdáendum eiginhandaáritanir.

Davíð Lúther Sigurðarson hjá Silent mætti að sjálfsögðu í Kringluna til að taka upp viðtöl við Maríu og fleiri úr hópnum. Vísir mun áfram birta myndbönd frá Eurovisionþátttöku Maríu Ólafs næstu daga og vikur.