FH-ingar töpuðu 2-0 á móti Val í gær en það var liðinn langur tími síðan að Hafnarfjarðarliðið uppskar jafnlítið út úr leik í Pepsi-deildinni í fótbolta.
FH-ingar voru fyrir leikinn búnir að spila 63 leiki í röð í Pepsi-deildinni þar sem liðið fékk annaðhvort stig eða skoraði mark.
Síðasta liðið til að halda FH-ingum á núllinu í bæði mörkum og stigum voru KR-ingar þegar Vesturbæjarliðið vann 2-0 sigur á FH 23. maí 2012.
FH-liðið hafði ennfremur skorað í 31 leik í röð í Pepsi-deildinni eða síðan að Gunnleifur Gunnleifsson hélt hreinu á móti sínum gömlu félögum í markalausu jafntefli 11. ágúst 2013.
Ólafur Jóhannesson, þjálfari Vals, fann hinsvegar leiðir til að loka á sína gömlu lærisveina á Vodafone-vellinum í gær því Valsmenn voru miklu betri í leiknum og unnu sannfærandi sigur.
Heimir Guðjónsson tók við FH-liðinu af Ólafi fyrir sumarið 2008 og var að stýra liðinu í 157. sinn í efstu deild í gær. Þetta var hinsvegar aðeins í tíunda sinn í þessum 157 leikjum sem FH-liðið er bæði stigalaust og markalaust.
FH bæði stigalaust og markalaust í fyrsta sinn í þrjú ár
Tengdar fréttir
Umfjöllun, viðtöl, myndir og einkunnir: Valur - FH 2-0 | Sigurður Egill afgreiddi FH-inga
Ólafur Jóhannesson hafði betur gegn sínum gamla lærisveini, Heimi Guðjónssyni.
Valsmenn sungu um að deyja fyrir klúbbinn | Myndband
Valsmenn voru harðlega gagnrýndir eftir slæmt tap á móti nýliðum Leiknis í fyrstu umferð Pepsi-deildarinnar en þeir sýndu styrk sinn í sigri á Íslandsmeistaraefnunum úr FH í gær.
Uppbótartíminn: Línuverðir í ruglinu - Myndbönd
Þriðja umferð Pepsi-deildar karla gerð upp í máli og myndum.
