Skjálftinn orsakaði snjóflóð í hlíðum Everest.Vísir/AFP
Aðstæður í grunnbúðum Everest-fjalls eru afskaplega erfiðar í kjölfar skjálftans mikla sem varð í Nepal á laugardag. Staðfest er að 2.500 hafi látist og er óttast að sú tala komi til með að hækka þegar líður á næstu viku.
Skjálftinn orsakaði snjóflóð í hlíðum Everest og hefur verið greint frá því að sautján fórust og rúmlega sextíu hafi slasast í grunnbúðunum eða annars staðar í fjallinu.
AFP hefur birt nokkrar myndir frá grunnbúðunum sem sýna vel aðstæðurnar þar.
Starfsfólk UNICEF í Nepal greinir frá því að vatns- og matarbirgðir séu víða af skornum skammti, rafmagns- og farsímakerfi liggi einnig niðri á mörgum svæðum.
