Klopp sagður vera hætta hjá Dortmund

Þýska knattspyrnufélagið Dortmund hefur boðað til blaðamannafundar klukkan 11.30 vegna frétta af Jürgen Klopp, þjálfara liðsins.

Hann er sagður vilja losna undan samningi í lok leiktíðar, en núgildandi samningur hans rennur ekki út fyrr en sumarið 2018.

Búist er við að tilkynnt verði um afsögn Klopps á fundinum og hann yfirgefi félagið í lok tímabilsins.

Klopp gerði Dortmund að Þýskalandsmeisturum árin 2011 og 2012 og kom liðinu í úrslitaleik Meistaradeildarinnar árið 2013.

Það hefur átt skelfilegu gengi að fagna í þýsku 1. deildinni á yfirstandandi leiktíð, en liðið er í 10. sæti, sex stigum frá Evrópudeildarsæti og var lengi vel í fallbaráttu.