Permane: Lotus er enn að finna sig

Lotus er „enn að komast á fæturna svona snemma á tímabilinu,“ samkvæmt Alan Permane, yfirverkfræðing liðsins.

Eftir erfitt ár í fyrra, þar sem Lotus endaði í áttunda sæti í keppni bílasmiða. Lotus hefur náð gríðarlegum framförum eftir að skipta úr Renault vél í Mercedes á milli ára.

Bæði Romain Grosjean og Pastor Maldonado náðu í þriðju lotu tímatökunnar í Ástralíu en hvorugum tókst að ljúka fyrsta hring.

Malasía var erfið líka, Maldonado sprengdi dekk snemma í keppninni og hætti svo með bremsuvírs bilun.

Grosjean snérist eftir snertingu frá Sergio Perez og endaði svo í 11. sæti.

„Við eigum von á talsverðum uppfærslum fyrir kínverska kappaksturinn, þar á meðal nýjan framvæng og nýja framtrjónu fyrir Barselóna,“ sagði Permane.

„Getan er klárlega til staðar, sérstaklega í keppninni, þar virðist hraðinn góður og bíllinn samkeppnishæfur,“ bætti Permane við.

Hann sagði svo að lokum „um leið og við fáum eðlilega keppni, þá verðum við í baráttu um góð stig.“