Rikki G missti sig er Zlatan skoraði mark kvöldsins

Zlatan Ibrahimovic skoraði mark í kvöld sem hann mun örugglega seint gleyma.

Markið kom strax í upphafi seinni hálfleiks í landsleik Moldóva og Svía. Kærulaus markvörður Moldóva náði ekki að spyrna fram hjá Zlatan sem skallaði útspark hans í netið.

Viðbrögð Zlatan eru ótrúleg en honum tekst að stýra boltanum í markið á ótrúlegan hátt. Viðbrögð Rikka G, sem lýsti leiknum, voru ekki síðri.

Sjá má þessa snilld í spilaranum hér að ofan. Svíþjóð vann leikinn, 0-2. Zlatan skoraði líka hitt markið.