Schalke búið að ganga frá kaupum á Nastasic

Matija Nastasic er formlega orðinn leikmaður Schalke 04 í Þýskalandi.

Nastasic, sem er 21 árs, var lánaður til Schalke frá Manchester City í janúar en þýska liðið hefur nú nýtt sér kaupákvæði í lánssamningi leikmannsins.

Nastasic, sem á 16 leiki að baki fyrir serbneska landsliðið, skrifaði undir fjögurra ára samning við Schalke sem er í 5. sæti þýsku Bundesligunnar.

Nastacic lék allan leikinn þegar Schalke vann Real Madrid 3-4 á Santiago Bernabeu í gær. Madrídingar fóru þó áfram, 5-4 samanlagt.