Finnar senda pönkhljómsveit í Eurovision

Finnar völdu í gær framlag sitt til Eurovision. Pönkhljómsveitin PKN bar sigur úr býtum en hún er skipuð fjórum mönnum sem allir eru annað hvort með Down’s-heilkenni eða einhverfu. Hljómsveitin verður fyrsta pönksveitin til að keppa í söngvakeppninni.

Lag hljómsveitarinnar heitir Aina Mun Pitaa og fjallar um hluti sem að þykja leiðinlegir, eins og að vaska upp eða borða hollt.

Lagið er stutt, ekki nema tæp ein og hálf mínúta að lengd, og þykir líklegt til að gera góða hluti í Eurovision-keppninni í Vín í maí. Það má hlusta á það í spilaranum hér að neðan.