Björn blikkaði áhorfendur í beinni

Nú hafa þrjú lög verið flutt í úrslitum Söngvakeppni Sjónvarpsins þegar þetta er ritað og ýmislegt komið í ljós. Til að mynda að söngkonurnar í CADEM, þær Emelie Schytz og Caroline Waldemarsson, skilja loksins texta lagsins sem þær flytja eftir að þær fengu að syngja lagið á ensku ásamt Daníel Óliver Sveinssyni.

Þá var Björn Jörundur Friðbjörnsson afar ánægður með flutning hans og félaganna á laginu Piltur og stúlka og sagðist aðspurður langa að fara með það í söngvakeppni evrópskra sjónvarpsstöðva, Eurovision. „Ég er vínhneigður,“ svaraði Björn þegar hann var spurður í úrslitaþætti Söngvakeppninnar en hann gerði sér lítið fyrir og blikkaði auganu fimlega til áhorfenda á meðan hann var á sviði.