Finnur Orri skrifaði undir hjá Lilleström

Finnur Orri Margeirsson skrifaði í dag undir eins árs samning við norska úrvalsdeildarliðið Lilleström. Frá þessu var greint á heimasíðu félagsins.

Finnur kemur til Lilleström frá FH en hann gekk til liðs við Fimleikafélagið frá Breiðabliki eftir síðasta tímabil.

Finnur náði þó aldrei að spila keppnisleik fyrir FH, en hann var með ákvæði í samningi sínum um að hann gæti farið frá félaginu ef lið utan Íslands sýndi honum áhuga.

Rúnar Kristinsson tók við þjálfun Lilleström síðasta haust, en Finnur er fyrsti íslenski leikmaðurinn sem hann fær til félagsins.