Sjöundi sigurleikur Detroit í röð | Myndbönd

Cleveland og NY Knicks héldu áfram að tapa í NBA-deildinni í gær en Detroit vann enn einn leikinn.

Í nótt vann Detroit Pistons sinn sjöunda leik í röð og það á útivelli gegn sterku liði Dallas. Gengi liðsins þykir vera með hreinum ólíkindum.

Liðið var 5-23 en hefur algjörlega tekist að snúa við blaðinu eftir jól.

„Það breyttist allt á æfingum rétt fyrir jól. Strákarnir hafa lagt harðar að sér og eru meira lið. Strákarnir eru ekki að spá í hver spilar meira en annar. Þeir nýta bara allir sinn tíma," sagði Stan Van Gundy, þjálfari Pistons.

Fjórir leikmenn hafa verið stigahæstir í þessum sjö sigurleikjum. Að þessu sinni var það Greg Monroe sem skoraði 27 stig og tók 18 fráköst.

Úrslit:

Charlotte-New Orleans  98-94

Cleveland-Houston  93-105

Philadelphia-Milwaukee  77-97

Washington-NY Knicks  101-91

Atlanta-Memphis  96-86

Brooklyn-Boston  81-89

Chicago-Utah  77-97

Dallas-Detroit  95-108

Denver-Orlando  93-90

Minnesota-Phoenix  111-113

Sacramento-Oklahoma  104-83

Golden State-Indiana  117-102

LA Clippers-LA Lakers  114-89

Staðan í NBA-deildinni.