Um 20 milljónir í neyðaraðstoð

Stjórn Aurora velgerðarsjóðs ákvað á dögunum að leggja allt að tuttugu milljónir króna til neyðaraðstoðar í Síerra Leóne vegna ebólufaraldursins í landinu. Peningurinn fór meðal annars í að kaupa sjúkragögn og lyf.

Breska flugfélagið Hangar8 gaf flutninginn og Jónar Transport sá um skipulag og flókna pappírsvinnu sem fylgir flutningum á lyfjunum.

Í ferðinni gekk sjóðurinn til samninga við tvö míkrólánafyrirtæki sem starfa í Síerra Leóne. Fyrirtækin fá samtals 50 milljónir króna að láni frá Aurora til að endurlána litlum og meðalstórum fyrirtækjum í uppbyggingu þeirra til framtíðar.