Fundu falda gleðibumbu

Í ferðaþáttunum Illa farnir ferðast félagarnir Davíð Arnar, Arnar Þór og Brynjólfur um Ísland í sextán þáttum með það að markmiði að kynnast landinu og lenda í ævintýrum.

Í fyrsta þætti fóru þeir í Adrenalíngarðinn og létu gamminn geysa. Nú halda þeir ferð sinni áfram um Suðurlandið. Í þætti dagsins fylgjumst með þeim þeysa um sveitirnar og meðal annars finna svokallaða gleðibumbu við Laugavatn.

Strákarnir kíkja einnig á Gullfoss og Geysi. Davíð er síðan búinn að skipuleggja tjaldútilegu og er stefnan tekin á Álfaskeið við Flúðir.

Brynjólfi lýst ekki vel á þetta þar sem og þráir frekar mjúkt rúm á hóteli. Vinirnir lenda í miklu karpi yfir þessu en ná þó að sættast að lokum.