Tólfti sigur Warriors í röð

Golden State Warriors vann tólfta leik sinn í röð í NBA körfuboltanum í Bandaríkjunum í nótt þegar liðið skellti Chicago Bulls 112-102 á útivelli.

Warriors hefur unnið 17 af 19 leikjum sínum og hefur ekkert lið byrjað betur á tímabilinu. Bulls hefur unnið 12 leiki og tapað 8.

Draymond Green fór mikinn í liði Warriors í nótt og skoraði 31 stig en hann hitti úr 7 af 13 þriggja stiga skotum sínum. Hann stal að auki 4 boltum og tók 7 fráköst. Klay Thompson skoraði 24 stig og Stephen Curry 19.

Jimmy Butler var stigahæstur hjá Bulls með 24 stig. Spánverjinn Pau Gasol var með tröllatvennu eða 22 stig og 20 fráköst. Joakim Noah skoraði 16 stig.

Houston Rockets er með næst besta árangurinn í NBA og það þó Dwight Howard og fleiri leikmenn hafi átt við meiðsli að stríða á leiktíðinni.

Rockets lagði Phoenix Suns á heimavelli 100-95 og hefur unnið 16 af 20 leikjum sínum í vetur. Suns hefur unnið 12 og tapað 9.

Rockets var 60-41 yfir í hálfleik í nótt en engu að síður var leikurinn spennandi í lokin en Patrick Beverley tryggði sigurinn á vítalínunni.

Beverley skoraði 19 stig af bekknum og var stigahæstur ásamt Trevor Ariza. Donatas Motiejunas skoraði 16 stig og tók 11 fráköst. James Harden hefur oft hitt betur en skoraði þó 15 stig, tók 12 fráköst og gaf 7 stoðsendingar.



Úrslit næturinnar:

Detroit Pistons – Philadelphia 76ers 101-108

Chicago Bulls – Golden State Warriors 102-112

Houston Rockets – Phoenix Suns 100-95

San Antonio Spurs – Minnesota Timberwolves 123-101

Sacramento Kings – Orlando Magic 96-105

Los Angeles Clippers – New Orleans Pelicans 120-100

Holis Thompson tryggir 76ers framlengingu: Clippers verja skot og troða: Draymond Green setur persónulegt met: Chris Paul fór fyrir Clippers: