Enn tapa Lakers og Knicks

Það gengur illa hjá gömlu stórveldunum NY Knicks og LA Lakers í NBA-deildinni.

Knicks tapaði sínum áttunda leik í röð í gær gegn Portland. Þetta var ennfremur tólfta tapið í síðustu þrettán leikjum liðsins. Knicks er aðeins búið að vinna fjóra leiki í vetur en tapa átján.

LaMarcus Aldridge skoraði 24 stig fyrir Portland á meðan Carmelo Anthony skoraði  23 stig fyrir Knicks.

Það gengur ekki mikið betur hjá Lakers sem er aðeins búið að vinna fimm leiki en tapa sextán. Í nótt tapaði liðið sannfærandi gegn New Orleans.

Kobe Bryant skoraði 14 stig fyrir Lakers en Anthony Davis skoraði 23 stig fyrir Pelíkanana.

Úrslit:

Boston-Washington  101-93

Atlanta-Denver  96-84

Memphis-Miami  103-87

Detroit-Oklahoma  94-96

Dallas-Milwaukee  125-102

NY Knicks-Portland  99-103

LA Lakers-New Orleans  87-104