Annar sigur OB í röð

Ari Freyr Skúlason og félagar hans í OB lögðu Silkeborg að velli með einu marki gegn engu í dönsku úrvalsdeildinni í fótbolta í dag. Martin Spelmann skoraði sigurmarkið á 37. mínútu.

Þetta var annar sigur OB í röð, en síðasta sunnudag vann liðið lærisveina Ólafs Kristjánssonar í Nordsjælland, einnig 1-0.

OB er nú með 18 stig og eru fjórum stigum frá fallsæti. Vestsjælland er með 14. stig í 11. sæti, en liðið á leik inni. Silkeborg er fast á botninum með aðeins fjögur stig.