Fjolla áfram í Kópavoginum

Fjolla Shala hefur skrifað undir nýjan þriggja ára samning við lið Breiðabliks í Pepsi-deild kvenna í fótbolta.

Fjolla, sem er 21 árs, gekk til liðs við Breiðabliks frá Fylki fyrir þremur árum og hefur síðan þá leikið 42 leiki í deild og bikar fyrir Kópavogsliðið. Fjolla hefur einnig leikið fyrir Fjölni og Leikni R.

Þá lék hún á sínum tíma 19 leiki fyrir U-19 ára landslið Íslands og tólf leiki fyrir U-17 ára landsliðið.

Breiðablik endaði í 2. sæti Pepsi-deildarinnar í sumar, en þjálfaraskipti urðu hjá liðinu eftir tímabilið þegar Þorsteinn Halldórsson tók við af Hlyni Svan Eiríkssyni.