HSÍ er búið að hafa samband við IHF

Henry Birgir Gunnarsson skrifar 7. nóvember 2014 16:14

Guðmundur B. Ólafsson, formaður HSÍ. vísir/stefán

„Samkvæmt gömlu reglunum hefði Asíuþjóð átt að taka sæti Barein á HM en samkvæmt nýju reglunum þá er það nefnd á vegum IHF sem úthlutar þessu sæti," segir Guðmundur B. Ólafsson, formaður HSÍ, en eins og Vísir greindi frá fyrr í dag þá er Barein hætt við að taka þátt á HM í Katar í janúar.

Aðalstjórn Alþjóða handknattleikssambandsins, IHF, kemur saman þann 21. nóvember næstkomandi til þess að fara yfir málið og taka ákvörðun. Stjórnin gæti þess vegna tekið þá ákvörðun að veita Íslandi þetta sæti á grundvelli nýju laganna.

Handknattleikssamband Íslands, HSÍ, hafði þegar höfað mál fyrir dómstóli IHF út af ákvörðun sambandsins að veita Þjóðverjum sæti á HM sem Ísland taldi sig eiga að fá. Niðurstaða úr því máli liggur ekki fyrir.

„Málið okkar gegn IHF gekk út á að það væri ekki hægt að breyta reglum í miðri keppni. Þeir fóru aftur á móti eftir nýjum reglum er þeir úthlutuðu Þjóðverjum sæti á þessu móti," segir Guðmundur og bætir við.

„Ég er búinn að hafa samband við IHF í dag vegna þessa máls. Ég hringdi í þá og minnti á okkar kröfur í tilefni þessa tíðinda."

Íslenski handboltinn

Tengdar fréttir

Ísland með á HM í handbolta í Katar eftir allt saman?

Íslenska handboltalandsliðið gæti verið á leiðinni á HM í Katar í janúar eftir allt saman vegna ástandsins við Persaflóann en svo gæti farið að bæði Barein og Sameinuðu arabísku Furstadæmunum yrði meinuð þátttaka á HM.

7. nóvember 2014 14:30

„Handboltinn er bananasport að þessu leyti“

Snorri Steinn Guðjónsson segir að hann hafi skilning á þeirri ákvörðun að hleypa Þýskalandi á HM í Katar.

28. október 2014 06:45

Barein ekki með á HM | Ákvörðun tekin 21. nóvember

Ísland gæti tekið þátt á HM í Katar eftir að Barein dró lið sitt úr keppni.

7. nóvember 2014 14:50

Þetta eru ekki eðlileg vinnubrögð

Handknattleikssamband Íslands sendi frá sér yfirlýsingu í gær þar sem tilkynnt var að sambandið hefði ákveðið að kæra ákvörðun Alþjóða handknattleikssambandsins, IHF, um að úthluta Þýskalandi lausu sæti á HM til dómstóls sambandsins. Aðeins fjórir mánuðir eru til stefnu en þetta er líklegast fyrsta skrefið enda mun HSÍ líklegast þurfa að fara með málið fyrir Alþjóða íþróttadómstólinn í Lausanne í Sviss sem tók fyrir málefni Luis Suárez í sumar.

11. september 2014 06:15

Einar: Höfum ekkert heyrt frá IHF

HSÍ hefur hvorki heyrt frá Alþjóða handknattleikssambandinu (IHF) né Evrópska handknattleikssambandinu (EHF) en þetta staðfesti Einar Þorvarðarson, framkvæmdastjóri HSÍ við Vísi rétt í þessu.

21. ágúst 2014 12:00

HSÍ kærir til dómstóls IHF

Handknattleikssamband Íslands sendi frá sér í dag tilkynningu þar sem fram kom að HSÍ hefur höfðað mál fyrir dómstól Alþjóða handknattleikssambandsins til ógildingar á ákvörðun IHF um að úthluta Þýskalandi sæti á Heimsmeistaramótinu í Katar.

10. september 2014 16:20

Fer Ísland í riðil með Guðmundi og Degi?

Fari svo að íslenska landsliðið taki sæti Barein á HM í handbolta í Katar þá gætum við fengið skemmtilegt einvígi þriggja íslenskra þjálfara í riðlakeppninni.

7. nóvember 2014 15:44

HSÍ ætlar ekki að gefa eftir

Von er á opinberri yfirlýsingu frá Handknattleikssambandi Íslands á morgun vegna ákvörðunar IHF að úthluta Þýskalandi sæti á Heimsmeistaramótinu í handbolta sem fer fram í Katar í upphafi næsta árs. IHF ákvað að draga Ástralíu úr leik og úthluta Þýskalandi sætinu þrátt fyrir að EHF hefði tilkynnt HSÍ að Ísland væri fyrsta varaþjóð frá Evrópu inn á mótið.

10. september 2014 06:00