Bayern pakkaði Werder Bremen saman

Bayern Munchen var í banastuði gegn Werder Bremen á heimavelli og vandræði Borussia Dortmund halda áfram í þýsku úrvalsdeildinni í knattspyrnu.

Bayern gjörsamlega keyrði yfir Werder Bremen, en staðan í hálfleik var 4-0. Philipp Lahm, Xabi Alonso, Mario Götze og Thomas Muller voru allir komnnir á blað í hálfleik. Lahm og Götze bættu við öðrum mörkum í síðari hálfleik og lokatölur 6-0.

Bayern er á toppnum með 20 stig, en Mönchengladbach er fjórum stigum frá ríkjandi meisturunum.  

Vandræði Dortmund halda áfram, en þeir töpuðu gegn Köln á útivelli. Dortmund er í fjórtánda sæti deildarinnar.

Stuttgart átti magnaða endurkomu í leik gegn Bayer Leverkusen á heimavelli í dag. Stuttgart var 3-0 undir í hálfleik, en góð endurkoma tryggði liðinu stig. Öll úrslitin má sjá hér að neðan.

Öll úrslit dagsins:

Bayern Munchen - Werder Bremen 6-0

1-0 Philipp Lahm (20.), 2-0 Xabi Alonso (27.), 3-0 Thomas Muller (43. - víti), 4-0 Mario Götze (45.), 5-0 Philipp Lahm (79.), 6-0 Mario Götze (87.).

Köln - Dortmund 2-1

1-0 Kevin Vogt (40.), 1-1 Ciro Immobile (48.), 2-1 Simon Zoller (74.).

Freiburg - Wolfsburg 1-2

Hannover 96 - Borussia Mönchengladbach 0-3

Mainz 05 - Augsburg 2-1

Stuttgart - Bayer Leverkusen 3-3