Bíó og sjónvarp

Hrollvekja heima hjá Hrafni

Þórður Ingi Jónsson skrifar
Myndin hefur verið ófáanleg hingað til.
Myndin hefur verið ófáanleg hingað til. Af Kvikmyndavefinum
Hið árlega heimabíó Hrafns Gunnlaugssonar verður haldið næstkomandi sunnudag og verður haldið í ævintýralegum híbýlum þessa umdeilda en jafnframt farsæla leikstjóra. Viðburðurinn er á vegum Alþjóðlegu kvimyndahátíðarinnar.

Myndirnar Blóðrautt sólarlag og Lilja verða sýnda í stofunni heima hjðá Hrafni. Kvikmyndin Blóðrautt sólarlag er ófáanleg í dag. Í myndinni er sagt frá tveimur Reykvíkingum sem ákveða að halda í sumarleyfi í eyðiþorp úti á landi, klyfjaðir brennivíni, byssum og öðrum skotfærum. Ferðin er hugsuð sem skemmtiferð í náttúrunni en fljótlega breytist ferðin í hreina hrollvekju.

Myndin Lilja er stuttmynd byggð á einni frægustu smásögu Halldórs Kiljan Laxness. Mynd Hrafns er nútímaleg útfærsla á smásögunni og gerist um aldamótin 1900 þegar fátækur maður, sem hvorki á eignir né frændur, deyr. Í kjölfarið ræna nokkrir læknanemar líki hans í þágu vísindanna og setja grjót í líkkistuna.

Hrafn mun eins og fyrri ár spjalla um myndir sínar við gestina, en sætaframboðið er ansi takmarkað, aðeins fimmtíu sæti verða seld inn á þennan einstaka og einkennilega viðburð.

Bíó og sjónvarp


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.