Torres hentar liðinu betur en Balotelli

Diego Lopez, markvörður AC Milan, telur að liðið sé betur sett með Fernando Torres heldur en Mario Balotelli. Milan seldi Balotelli til Liverpool á dögunum og Torres til liðs við sig á láni frá Chelsea.

Lopez sem gekk til liðs við AC Milan fyrr í sumar frá AC Milan á frjálsri sölu hefur fulla trú á því að landi sinn muni reynast AC Milan betur heldur en Balotelli sem þykir afar uppátækjasamur.

„Við viljum koma AC Milan aftur á sinn stað, að berjast um titla og til þess er Torres nytsamlegri en Balotelli. Hann hefur náð frábærum árangri á ferlinum og er vanur því að skora mörk. Hann er snöggur og sterkur leikmaður sem mun reynast okkur vel,“ sagði Lopez sem hirti byrjunarliðssætið af Iker Casillas hjá Real Madrid á síðasta tímabili en fór síðan á frjálsri sölu.

„Ég sé ekki eftir neinu, þetta eru tveir stærstu klúbbar í heimi. Þegar ég heyrði af áhuga AC Milan þá vissi ég strax að þetta yrði gríðarlega skemmtilegt og spenanndi verkefni. Ég mun gefa liðinu allt til þess að koma því aftur á sinn stað.“