Sólstormar skella á jörðinni

Tveir öflugir sólstormar skella á jörðinni um þessar mundir en óveðrið, ef svo má kalla þetta fyrirbæri, hófst í gær og stendur fram eftir degi í dag.

Sólstormurinn er afar segulmagnaður og því gætu raftæki og raforkuver verið í hættu, en hún er þó ekki talin mikil.

Sólstormarnir, sem verða til í miklum gosum á sólinni eru þó ekki nægilega stórir til að valda vísindamönnum verulegum áhyggjum en það sem er sérstakt við þessa tilteknu er það að tveir urðu til með afar skömmu millibili og því þótti óljóst hvaða afleiðingar það hefði í för með sér.