Sjálfsmark tryggði Emil og félögum þrjú stig

Emil Hallfreðsson var í byrjunarliði Verona og spilaði 77 mínútur í 2-1 sigri liðsins gegn Palermo á heimavelli í kvöld.

Gestirnir frá Sikiley komust yfir með marki Franco Vázquez  18. mínútu, en gamla brýnið Luca Toni jafnaði metin á 41. mínútu úr vítaspyrnu.

Toni gekk í endurnýjun í lífdaga á síðasta tímabili þegar hann skoraði 20 mörk í 34 leikjum, en þetta var fyrsta mark hans á tímabilinu.

Heimamenn hirtu öll stigin því ErosPisano, leikmaður Palermo, varð fyrir því óláni að skora sjálfsmark á 77. mínútu sem tryggði Verona sigurinn.

Emil og félagar eru með fjögur stig eftir tvær umferðir í deildinni.