Hvers er að vænta af Apple?

Fyrir kynningar sínar hefur Apple lagt upp með að lítið sem ekkert sé vitað um hvaða vörur líti dagsins ljós, né þá nánari upplýsingar um þær vörur. Að þessu sinni hefur fjöldinn allur af upplýsingum verið lekið úr búðum fyrirtækisins og gert er ráð fyrir að lítið muni koma á óvart.

Á vef Guardian segir að það sem fram komi á fundinum verði tveir nýir iPhone snjallsímar. Einn með 4,7 tommu skjá og annar með 5,5 tommu skjá. Að takkar verði á hlið símanna og að þeir muni bjóða upp á NFC greiðslumöguleika, sem gerir notendum kleyft að greiða fyrir vörur með símum sínum. Er það í fyrsta sinn sem Apple býður upp á þann möguleika.

Þá segja þeir að snjallúr, eða armband verði kynnt til sögunnar en nokkuð víst sé að snjallúrið muni ekki koma á markaði fyrr en á næsta ári.

Á vefnum CNet segir að orðrómar séu á reiki um að jafnvel verði nýr iPad kynntur og að farið verði nánar út í iOS 8, hið nýja stýrikerfi Apple.

BBC sagði frá því í gær að Marc Newson, sem sé frægur úrahönnuður hafi nýverið ráðinn til starfa hjá Apple. Það hefur ýtt frekar undir þær sögusagnir að fyrirtækið ætli sér að sækja á snjallúramarkaðinn.

Á vef Financial Times segir að væntingar fyrir snjallúr Apple hafi þegar haft töluverð áhrif á markaðinn. Að greinendur telji að fyrirtækið muni kollvelta markaðinum með komu sinni, eins og það gerði á snjallsímamarkaðinum á sínum tíma.

Þar segir þó einnig að Apple sé ekki einungis að kynna nýjar vörur, heldur sé fyrirtækið að endurkynna fyrirtækið. Þetta er stærsti viðburður Apple frá því að Steve Jobs lést árið 2011.

Kynning Apple hefst klukkan fimm í dag og hægt er að fygljast með henni á vef fyrirtækisins.