KR færi til Varsjár eða Dyflinnar

Íslandsmeistarar KR mæta annaðhvort Legia Varsjá frá Póllandi eða Saint Patrick's Athletic frá Írlandi í þriðju umferð forkeppni Meistaradeildarinnar komist liðið áfram.

KR á mjög erfitt verkefni fyrir höndum í seinni leiknum gegn Celtic, en skosku meistararnir unnu fyrri leik liðanna, 1-0, á KR-vellinum á þriðjudaginn.

Legia Varsjá eru ríkjandi Póllandsmeistarar og Saint Patricks meistarar í Írlandi en liðin voru saman í meistarahópi eitt í drættinum.

Saint Patricks náði óvæntu jafntefli gegn Legia í fyrri leiknum í vikunni, 1-1, en ÍBV hefur tvívegis mætt írska liðinu og tapað í bæði skiptin.