Fótbolti

Þrír Íslendingar í byrjunarliði Kristianstads í sigri á Umeå

Ingvi Þór Sæmundsson skrifar
Elísa Viðarsdóttir og Sif Atladóttir.
Elísa Viðarsdóttir og Sif Atladóttir. Mynd/KSÍ/Hilmar Þór Guðmundsson
Kristanstads, sem Elísabet Gunnarsdóttir stýrir, vann í dag 1-0 sigur á Umeå í sænsku úrvalsdeildinni í fótbolta í dag.

Linnea Liljegärd skoraði eina mark leiksins á upphafsmínútunni og þar við sat.

Allir þrír Íslendingarnir í herbúðum Kristianstads voru í byrjunarliðinu í dag og léku allan leikinn.

Eyjakonan Elísa Viðarsdóttir og Sif Atladóttir hafa leikið alla sjö leiki Kristanstads í deildinni, en Guðný Björk Óðinsdóttir lék í dag sinn fyrsta leik í byrjunarliði á tímabilinu.

Eftir sigurinn situr Kristianstads í 8. sæti deildarinnar með tíu stig.

Fótbolti á Norðurlöndum

Mest lesið


Fleiri fréttir

Sjá meira


×

Mest lesið