Geir og Guðmundur áfram á Hlíðarenda

Skytturnar og frændurnir Geir Guðmundsson og Guðmundur Hólmar Helgason munu leika áfram með Val í Olís deild karla í handbolta. Greint er frá þessu á fésbókarsíðu handknattleiksdeildar Vals.

Frændurnir voru á láni frá Akureyri en Akureyri og Valur hafa komist að samkomulagi um þeir gangi til liðs við Val. Gerðu þeir báðir þriggja ára samning við félagið.

Samtals skoruðu Geir og Guðmundur 200 mörk fyrir Val í vetur, Geir 101 og Guðmundur 99 en þeir eru lykilmenn í liðinu þrátt fyrir ungan aldur. Geir er 20 ára og Guðmundur 21 árs.

Valur hafnaði í þriðja sæti þriðja sæti Olís deildarinnar í vetur og féll út í undanúrslitum úrslitakeppninnar í oddaleik gegn ÍBV í Eyjum.

div id='fb-root'>

Post by Valur Handbolti.