Viðar Örn markahæstur í Noregi

Viðar Örn Kjartansson hefur slegið í gegn hjá norska liðinu Vålerenga og er markahæsti leikmaður norsku deildarinnar með sex mörk í sex fyrstu leikjum sínum með liðinu í deildinni.

Ef Viðar Örn heldur þessu meðaltali þá klárar hann tímabilið með 30 mörk. Hann skoraði tvö mörk gegn meisturum Strömsgodset í gær.

"Það er magnað að skora tvö mörk gegn líklega besta liði deildarinnar. Ég hef alltaf skorað mikið en sex mörk í sex leikjum hérna er mjög gott," sagði Viðar Örn eftir leik.

Þjálfarinn hans, Kjetil Rekdal, hrósaði honum líka í hástert.

"Viðar Örn er góður í flestu. Hann er líka að skora mörk í öllum regnbogans litum."