Íslenskir kylfingar og golfklúbbarnir

Í dag eru 65 golfklúbbar starfandi á landinu undir merkjum Golfsambands Íslands, þar af eru  49 níu holu vellir og átján 18 holu vellir. Árið 2004 voru 12.224 meðlimir í golfklúbbum á Íslandi en árið 2013 voru meðlimir orðnir 16.602, fækkun var um 39 meðlimi frá árinu 2012. Golfsambandið er annað stærsta sérsambandið innan raða ÍSÍ, aðeins KSÍ hefur fleiri félaga.

Golfklúbbur Reykjavíkur er sem fyrr segir langstærsti klúbbur landsins með 2.818 meðlimi á síðasta ári. Golfklúbbur Garðabæjar og Kópvogs voru með 1.934 meðlimi, Keilir með 1.442 meðlimi, Oddur með 1.108 meðlimi og í Golfklúbbnum Kjölur voru meðlimir í fyrra 747 talsins.

Framtíðin virðist björtust hjá GKG þar sem 338 meðlimir eru 15 ára og yngri eða 17% af heildar fjölda meðlima. GR er aðeins með 135 meðlimi 15 ára eða yngri sem er aðeins 5% af meðlimum klúbbsins.  Hlutfall kylfinga 15 ára og yngri er ansi hátt hjá golfklúbbi Akureyrar eða 17% sem gera 115 ungmenni af 677 meðlimum klúbbsins.

Forgjöf Íslenskra kylfinga þróast í rétta átt. Meðal forgjöf karla af gulum teigum var 23,8 árið 2009 en var komin niður í 21,3 árið 2013. Árið 2009 var meðalfjörgjöf kvenna 33,1 en árið 2013 var hún 31,0. Karlar hafa því lækkað hlutfallslega meira en konurnar. Þess ber að geta að karlar eru enn í miklum meirihluta í klúbbum landsins.

Hola í höggi er eitthvað sem alla kylfinga dreymir um að ná á lífsleiðinni. Þó nokkur fjöldi fólks hefur afrekað það að fara holu í höggi. Árið 2012 voru hvorki fleirri né færri en 103 kylfingar sem spiluðu golfholu á aðeins einu höggi. Upplýsingar um Einherja Íslands er að finna á www.einherjaklubburinn.net.