KR tók fimmta sætið af Hamar - úrslitin í kvennakörfunni

KR-konur tryggðu sér fimmta sætið í Dominos-deild kvenna í körfubolta í kvöld með sannfærandi 20 stiga sigri á Grindavík í Vesturbænum í viðbót við það að Hamar náði ekki að vinna Hauka í Hveragerði.

Stefán Karlsson, ljósmyndari Vísis og Fréttablaðsins, var í DHL-höllinni í kvöld og náði skemmtilegum myndum af leik KR og Grindavíkur sem má sjá hér fyrir ofan og neðan.

Ebone Henry  skoraði 33 stig og Sigrún Sjöfn Ámundadóttir var með 17 stig, 10 fráköst, 7 stoðsendingar og 5 stolna bolta þegar KR vann Grindavík 88-68.  María Ben Erlingsdóttir (20 stig) og Pálína Gunnlaugsdóttir (18 stig/8 fráköst/6 stoðsendingar/6 stolnir/3 varin) voru allt í öllu hjá Grindavíkurliðinu sem átti fá svör í seinni hálfleiknum.

Kristrún Sigurjónsdóttir skoraði 20 stig í 76-72 endurkomusigri Valskvenna í Njarðvík en Valsliðið vann lokaleikhlutann 29-18. Ína María Einarsdóttir skoraði 21 stig fyrir Njarðvík og Anna Alys Martin var einnig með 20 stig fyrir Val eins og Kristrún.

 

Margrét Rósa Hálfdanardóttir og Lele Hardy (19 fráköst) voru báðar með 20 stig í 74-71 endurkomusigri Hauka á Hamar í Hveragerði. Haukaliðið vann fjórða leikhlutann 17-11 og sendi Hamarsliðið þar með niður í sjötta sæti deildarinnar.

Lokaleikur deildarkeppninnar fer fram á morgun þegar Snæfell tekur á móti Keflavík í Stykkishólmi en það varð að fresta þeim leik í kvöld vegna veðurs.

Úrslit og stigaskor í leikjum kvöldsins:

KR-Grindavík 88-68 (19-11, 16-16, 26-20, 27-21)

KR: Ebone Henry 33/5 fráköst/6 stolnir, Sigrún Sjöfn Ámundadóttir 17/10 fráköst/7 stoðsendingar/5 stolnir, Björg Guðrún Einarsdóttir 9/6 fráköst/6 stoðsendingar, Anna María Ævarsdóttir 5, Bergþóra Holton Tómasdóttir 5, Rannveig Ólafsdóttir 4, Ragnhildur Arna Kristinsdóttir 4, Helga Einarsdóttir 4/6 fráköst/3 varin skot, Kristbjörg Pálsdóttir 3, Þorbjörg Andrea Friðriksdóttir 2/4 fráköst, Sara Mjöll Magnúsdóttir 2/5 fráköst.

Grindavík: María Ben Erlingsdóttir 20/9 fráköst, Pálína Gunnlaugsdóttir 18/8 fráköst/6 stoðsendingar/6 stolnir/3 varin skot, Ingibjörg Jakobsdóttir 9/5 fráköst/5 stoðsendingar, Hrund Skuladóttir 8, Mary Jean Lerry F. Sicat 6, Jóhanna Rún Styrmisdóttir 4/5 fráköst, Harpa Rakel Hallgrímsdóttir 3/6 fráköst.



Njarðvík-Valur 72-76 (22-17, 13-15, 19-15, 18-29)

Njarðvík: Ína María Einarsdóttir 21, Guðlaug Björt Júlíusdóttir 16, Nikitta Gartrell 16/12 fráköst/8 stoðsendingar, Erna Hákonardóttir 12, Emelía Ósk Grétarsdóttir 4, Salbjörg Sævarsdóttir 2/8 fráköst, Sara Dögg Margeirsdóttir 1.

Valur: Kristrún Sigurjónsdóttir 20, Anna Alys Martin 20/6 fráköst, Ragna Margrét Brynjarsdóttir 10/11 fráköst, Unnur Lára Ásgeirsdóttir 9/5 fráköst, Rut Herner Konráðsdóttir 4, Guðbjörg Sverrisdóttir 4/6 fráköst, Hallveig Jónsdóttir 3, María Björnsdóttir 2/4 fráköst, Þórunn Bjarnadóttir 2, Sóllilja Bjarnadóttir 2.



Hamar-Haukar 71-74 (23-22, 18-14, 19-21, 11-17)

Hamar: Chelsie Alexa Schweers 26/6 fráköst/5 stoðsendingar, Íris Ásgeirsdóttir 14/6 fráköst, Fanney Lind Guðmundsdóttir 12/6 fráköst/5 stoðsendingar, Katrín Eik Össurardóttir 10, Marín Laufey Davíðsdóttir 6/10 fráköst, Sóley Guðgeirsdóttir 3/5 fráköst.

Haukar: Margrét Rósa Hálfdanardóttir 20/4 fráköst, Lele Hardy 20/19 fráköst, Dagbjört Samúelsdóttir 11, Gunnhildur Gunnarsdóttir 7/4 fráköst, Jóhanna Björk Sveinsdóttir 5/5 fráköst, Guðrún Ósk Ámundadóttir 5, Auður Íris Ólafsdóttir 4, Þóra Kristín Jónsdóttir 2/4 fráköst.