Aníta dæmd úr leik á HM

Aníta Hinriksdóttir hefur lokið keppni á HM innanhúss sem fram fer í Sopot. Aníta var dæmd úr leik í 800 metra hlaupinu í hádeginu.

Hún hljóp ágætlega í undanriðlinum sínum og kom í mark á 2:01,03 mínútum. Sá tími hefði dugað henni í úrslitin og gott það því tíminn var sá fjórði besti. Hún hefði jafnframt jafnað heimsmet unglinga í greininni.

Eftir að hún kom í mark var hún síðan dæmd úr leik. Hún ku hafa stigið á línu og þar með brotið reglur.

Gríðarleg vonbrigði fyrir hina 18 ára gömlu Anítu sem er að taka þátt í HM fullorðinna í fyrsta skipti.