Mörður afhenti lögreglu minnisblaðið

Stefán Árni Pálsson skrifar 20. febrúar 2014 11:19

Mörður segir að skýrslutakan hafi ekki tekið langan tíma og átti hann alltaf von á því að lögreglan myndi biðja um minnisblaðið. visir/valli

„Þetta tók alls tólf mínútur og ég var spurður út í það hvort ég væri með umrætt minnisblað undir höndum. Ég svaraði því játandi og afhenti síðan lögreglunni blaðið,“ segir Mörður Árnason, varaþingmaður Samfylkingarinnar.

Mörður hefur gagnrýnt Hönnu Birnu Kristjánsdóttur, innanríkisráðherra, varðandi lekamálið. Hann var boðaður til skýrslutöku hjá lögreglunni í morgun í tengslum við málið.

Mörður hefur áður upplýst að hann hafi umrætt minnisblaðið undir höndum og það bæri öll einkenni þess að eiga uppruna til innanríkisráðuneytisins.

„Ég var boðaður í gær og mætti síðan klukkan átta í morgun,“ segir Mörður í samtali við Vísi.

Mörður segir að skýrslutakan hafi ekki tekið langan tíma og átti hann alltaf von á því að lögreglan myndi biðja um minnisblaðið.

„Ég bjóst við að fá þær spurningar sem ég fékk í skýrslutökunni og svaraði ég þeim eins vel og ég gat,“ segir Mörður sem vildi ekki fara nánar út í málið.

Leki á trúnaðargögnum úr ráðuneytinu hefur verið kærður til lögreglunnar. Umrætt minnisblað rataði í hendur fjölmiðla.

Lekamálið

Tengdar fréttir

Lekamálið komið til lögreglunnar

Ríkissaksóknari hefur framsent kæru, vegna leka á persónuupplýsingum hælisleitanda til fjölmiðla, til embættis lögreglustjórans á höfuðborgarsvæðinu. Þetta kemur fram á vef ríkissaksóknara.

7. febrúar 2014 13:00

„Ég er með algjörlega hreina samvisku í þessu máli“

Mörður Árnason, varaþingmaður Samfylkingarinnar, spurði innanríkisráðherra út í lekamálið svokallaða á Alþingi í morgun.

13. febrúar 2014 12:45

Hvatt til óháðrar rannsóknar á lekamálinu

Innanríkisráðherra segir ítarlega rannsókn innan innanríkisráðuneytisins og stofnana þess sýna að minnisblað um hælisleitanda hafi ekki komið úr ráðuneytinu. Mörður Árnason er með minnisblaðið.

27. janúar 2014 20:48

„Ráðherra grátandi á Facebook eins og táningsstelpa“

Reynir Traustason mætti í Harmageddon og þykir afskaplega vænt um allskonar leka en gerir þá kröfu að gögn séu sönn og ekki stjórnvald að níðast á örsnauðu fólki.

20. janúar 2014 10:55

Hanna Birna telur „lekamálið“ snúast um annað en hælisleitendur

Hanna Birna Kristjánsdóttir var hvöss í ræðupúlti alþingis í umræðu um hælisleitendur og telur sig sitja ómaklega undir ásökunum.

27. janúar 2014 16:39

Innanríkisráðherra vill að lekamálið verði rannsakað eins ítarlega og mögulegt er

Meintur leki trúnaðarupplýsinga um hælisleitendur úr innanríkisráðuneytinu er nú kominn á borð lögreglu, en Hanna Birna Kristjánsdóttir fagnar að lögreglan sé komin í málið.

7. febrúar 2014 14:40

Krefja Hönnu Birnu um svör varðandi lekamálið

Alþingismennirnir Mörður Árnason og Valgerður Bjarnadóttir hafa sent Hönnu Birnu Kristjánsdóttur, innanríkisráðherra, formlega fyrirspurn varðandi lekamálið.

30. janúar 2014 11:18

Ríkissaksóknari óskar eftir frekari gögnum um lekamálið

Sigríður J. Friðjónsdóttir, ríkissaksóknari, hefur óskað eftir frekari gögnum og upplýsingum frá innanríkisráðuneytinu vegna kæru lögmanns hælisleitenda um leka á trúnaðargögnum úr ráðuneytinu.

31. janúar 2014 14:12

Mun ekki tjá sig efnislega um lekamálið fyrr en niðurstaða liggur fyrir

Hanna Birna Kristjánsdóttir, innanríkisráðherra, hefur ítrekað beðist undan því að mæta í viðtal í Kastljósið til að ræða trúnaðarbrest sem kom upp í innanríkisráðuneytinu. Hún hafði áður samþykkt að veita Kastljósi viðtal í vikunni en hefur hætt við það í bili.

28. janúar 2014 21:15