Fylgdist með kærstunni á Burberry

Leikarinn Bradley Cooper lét sig ekki vanta þegar tískuhúsið Burberry sýndi haust-og vetrarlínuna í London í gær. 



Ástæðan fyrir því var að kærasta Cooper, breska fyrirsætan Suki Waterhouse, var að ganga tískupallana fyrir Burberry. 

Cooper fékk besta sætið á sýningunni en hann sat á fremsta bekk á milli þeirra Önnu Wintour og Hamish Bowles, hjá Vogue. 

Waterhouse og Cooper hafa verið par í um það bil ár núna en ekki er langt síðan þau opinberuðu samband sitt.

Fyrirsætan fylgdi Cooper á Golden Globe-verðlaunin og verður eflaust við hlið hans á Óskarnum í byrjun mars.