Annan leikinn í röð þurfti Aron Pálmarsson að fá sér sæti á bekknum eftir nokkurra mínútna leik. Hann er meiddur og gat einfaldlega ekki meira í dag.
"Þetta var stutt og leiðinlegt. Ég fann til í hnénu og það gengur ekkert upp hjá mér. Ég er engu að síður mjög ánægður með stigin tvö sem við nældum í," sagði Aron svekktur eftir leikinn enda vill hann geta hjálpað liðinu meira.
"Ég er drullufúll að hnéð hafi ekki haldið hjá mér. Ef það er svona þá bara get ég ekki spilað. Ég held samt ekki að mótið sé búið hjá mér. Það var allt í góðu í gær en ég fann til í upphitun.
"Nú eru það svona 20 meðhöndlanir fram að næsta leik og svo sjáum við til hvernig ég verð þegar við mætum Dönunum."
Aron Pálmars: Mótið er ekki búið hjá mér
Tengdar fréttir
Umfjöllun og myndir: Ísland - Makedónía 29-27 | Annar sigur strákanna í röð
Karlalandslið Íslands í handbolta er komið í annað sæti milliriðils 1 á Evrópumótinu í Danmörku eftir 29-27 sigur á Makedóníu á Evrópumótinu í Danmörku í dag. Liðið spilaði sinn slakasta leik á mótinu en landaði engu að síður sigri.
Ásgeir Örn: Gleymdi að setja hann í netið
Ásgeir Örn Hallgrímsson var valinn maður leiksins eftir sigur Íslands á Makedóníu á EM í handbolta í dag. Hann skoraði sex mörk í tveggja marka sigri, 29-27.
Ólafur: Flottur leikur hjá öllum í liðinu
Ólafur Andrés Guðmundsson fylgdi flottum leik gegn Austurríki eftir með fínni frammistöðu gegn Makedóníu í kvöld.
Strákarnir þurfa hjálp til að komast í undanúrslit
Þrátt fyrir sigur á Makedóníu í dag þurfa strákarnir okkar aðstoð til að komast áfram í undanúrslit EM í Danmörku.
Guðjón Valur: Erfiðara en þetta átti að verða
Guðjón Valur Sigurðsson, landsliðsfyrirliði, var ánægður með stigin tvö sem Ísland fékk í dag fyrir sigur á Makedóníu í milliriðlakeppni EM í handbolta.
Aron: Þeir fengu blóð á tennurnar
"Þetta var mjög erfiður leikur,“ sagði landsliðsþjálfarinn Aron Kristjánsson eftir tveggja marka sigur Íslands á Makedóníu, 29-27, á EM í handbolta í dag.
Rúnar: Við vorum svalir
"Þetta var nokkuð jafnt undir lokin en ég var aldrei neitt hræddur," sagði stórskyttan Rúnar Kárason eftir sigurinn á Makedóníu í dag.
