Ólympíu- heims og Evrópumeistari á Reykjavíkurleikunum

Júdókappinn Tagir Khaibulaev frá Rússlandi verður meðal keppanda á Reykjavíkurleikunum.

Khaibulaev er fyrrverandi Ólympíumeistari í -100 kg flokki og fyrrum heims- og Evrópumeistari.

Áður höfðu boðað komu sína öflugir júdókappar frá Tékklandi, þar á meðal efsti maður á heimslista og Evrópumeistari í -100 kg flokki, Lukas Krpalek.

Óhætt er að fullyrða að aldrei hafi jafn þekktir og sterkir júdómenn sótt Ísland heim og nú.

Má því búast við mikilli júdóveislu í Laugardalshöllinni laugardaginn 25.janúar þegar keppnin fer fram.