Fátækir gegn ríkum Sara McMahon skrifar 28. ágúst 2013 22:00 Matt Damon fer með hlutverk Max Da Costa í kvikmyndinni Elysium. Stórmyndin Elysium skartar Matt Damon og Jodie Foster í aðalhlutverkum. Myndin er í leikstjórn suðurafríska leikstjórans Neills Blomkamp, þess sama og leikstýrði hinni vinsælu District 9 frá árinu 2009. Sögusvið myndarinnar er Jörðin árið 2154. Mannfólkinu er skipt í tvo hópa: þá stórefnuðu er hafa búið sér heimili á geimstöðinni Elysium og þá fátæku sem lifa lífi sínu á Jörðinni, sem nú er orðin rústir einar. Á Elysium búa hinir efnuðu við ríkidæmi, öryggi og fullkomna heilsu en á jörðu niðri búa íbúarnir við fátækt og harðræði. Jarðarbúa dreymir um betra líf á Elysium en stjórnvöld þar gera sitt ýtrasta til að varna þeim inngöngu í paradís. Max Da Costa, fyrrverandi þjófur og fangi, er söguhetja myndarinnar. Hann býr í rústum Los Angeles-borgar og starfar í framleiðsludeild stórrar verksmiðju er framleiðir vopn og hvers kyns vélmenni fyrir íbúa Elysium. Þegar hann veikist lífshættulega ákveður hann að gera tilraun til að komast til Elysium og verða sér úti um lækningu. Til þess að komast í geimstöðina verður hann að slást í lið með Spider, tölvuhakkara og smyglara. Varnarmálaráðherra Elysium, Jessica Delacourt, hyggst þó vernda stöðina frá ólöglegum innflytjendum og um leið hrifsa til sín frekari völd, og hefst þá hasarinn.Ninja afþakkaði aðalhlutverkið Tökur á Elysium hófust í júlí árið 2011 og hlaut Blomkamp rúma 14 milljarða í fjármagn. Atriðin sem eiga að gerast á ónýtri Jörðinni voru tekin upp á ruslahaug í grennd við Iztapalapa, fátækrahverfi í Mexíkóborg. Atriðin er gerast á geimstöðinni Elysium eru aftur á móti tekin upp í hinu ríkmannlega Huixquilucan-Interlomas hverfi í sömu borg, sem og í Vancouver í Kanada. Suðurafríski tónlistarmaðurinn Watkin Tudor Jones, betur þekktur sem Ninja úr hljómsveitinni Die Antwoord, átti upphaflega að fara með hlutverk Max Da Costa. Þegar hann afþakkaði leitaði Blomkamp til annars rappara, Eminem. Hann fór fram á að myndin yrði að hluta til tekin upp í heimaborg sinni, Detroit, sem framleiðslufyrirtækin gátu ekki sæst á. Matt Damon, sem fer með hlutverk Max Da Costa, var því þriðja val leikstjórans. Elysium hefur hlotið ágæta dóma og hlýtur 69 prósent í einkunn á kvikmyndavefsíðunni Rottentomatoes og 61 prósent á Metacritic. Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Myndaveisla: Eliza Reid og Ásdís Spanó létu sig ekki vanta í Núllið Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
Stórmyndin Elysium skartar Matt Damon og Jodie Foster í aðalhlutverkum. Myndin er í leikstjórn suðurafríska leikstjórans Neills Blomkamp, þess sama og leikstýrði hinni vinsælu District 9 frá árinu 2009. Sögusvið myndarinnar er Jörðin árið 2154. Mannfólkinu er skipt í tvo hópa: þá stórefnuðu er hafa búið sér heimili á geimstöðinni Elysium og þá fátæku sem lifa lífi sínu á Jörðinni, sem nú er orðin rústir einar. Á Elysium búa hinir efnuðu við ríkidæmi, öryggi og fullkomna heilsu en á jörðu niðri búa íbúarnir við fátækt og harðræði. Jarðarbúa dreymir um betra líf á Elysium en stjórnvöld þar gera sitt ýtrasta til að varna þeim inngöngu í paradís. Max Da Costa, fyrrverandi þjófur og fangi, er söguhetja myndarinnar. Hann býr í rústum Los Angeles-borgar og starfar í framleiðsludeild stórrar verksmiðju er framleiðir vopn og hvers kyns vélmenni fyrir íbúa Elysium. Þegar hann veikist lífshættulega ákveður hann að gera tilraun til að komast til Elysium og verða sér úti um lækningu. Til þess að komast í geimstöðina verður hann að slást í lið með Spider, tölvuhakkara og smyglara. Varnarmálaráðherra Elysium, Jessica Delacourt, hyggst þó vernda stöðina frá ólöglegum innflytjendum og um leið hrifsa til sín frekari völd, og hefst þá hasarinn.Ninja afþakkaði aðalhlutverkið Tökur á Elysium hófust í júlí árið 2011 og hlaut Blomkamp rúma 14 milljarða í fjármagn. Atriðin sem eiga að gerast á ónýtri Jörðinni voru tekin upp á ruslahaug í grennd við Iztapalapa, fátækrahverfi í Mexíkóborg. Atriðin er gerast á geimstöðinni Elysium eru aftur á móti tekin upp í hinu ríkmannlega Huixquilucan-Interlomas hverfi í sömu borg, sem og í Vancouver í Kanada. Suðurafríski tónlistarmaðurinn Watkin Tudor Jones, betur þekktur sem Ninja úr hljómsveitinni Die Antwoord, átti upphaflega að fara með hlutverk Max Da Costa. Þegar hann afþakkaði leitaði Blomkamp til annars rappara, Eminem. Hann fór fram á að myndin yrði að hluta til tekin upp í heimaborg sinni, Detroit, sem framleiðslufyrirtækin gátu ekki sæst á. Matt Damon, sem fer með hlutverk Max Da Costa, var því þriðja val leikstjórans. Elysium hefur hlotið ágæta dóma og hlýtur 69 prósent í einkunn á kvikmyndavefsíðunni Rottentomatoes og 61 prósent á Metacritic.
Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Myndaveisla: Eliza Reid og Ásdís Spanó létu sig ekki vanta í Núllið Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira