Moses á fótum sínum fjör að launa Sara McMahon skrifar 1. ágúst 2013 10:00 Frank Moses, Sarah Ross og Marvin Boggs reyna að halda lífi í framhaldsmyndinni Red 2. Red 2 er beint framhald grín- og hasarmyndarinnar Red frá árinu 2010. Hér bregður gamla brýnið Bruce Willis sér aftur í hlutverk fyrrverandi CIA-útsendarans Franks Moses. Söguþráður myndarinnar er á þann veg að Moses og kærasta hans, Sarah Ross, reyna eftir bestu getu að lifa eðlilegu lífi eftir atburði síðustu myndar. Dag nokkurn birtist Marvin Boggs, sem leikinn er af John Malkovich, og varar þau við því að líf þeirra sé í hættu því Moses á að hafa verið viðriðinn leynilega hernaðaraðgerð sem kallast Nightshade. Umrædd aðgerð varð til á tímum kalda stríðsins og var tilgangur hennar að smygla kjarnorkuvopni í pörtum til Rússlands. Boggs hefur auðvitað lög að mæla og á þríeykið brátt fótum sínum fjör að launa. Á sama tíma hefur Victoria Winslow, njósnari og gamall kunningi Moses og Boggs, samband við Moses og tilkynnir honum að hún hafi tekið að sér verkefni á vegum MI6 og verkefnið er að myrða Moses. Ekki nóg með það, heldur er leigumorðinginn Han Cho-Bai einnig á höttunum eftir aumingja Moses sem er hvergi óhultur. Nú ríður á að Moses komist til botns í málinu og bjargi þar með lífi sínu og kærustu sinnar.Stórkostlegur leikarahópur Leikstjóri myndarinnar er hinn bandaríski Dean Parisot og er þetta fimmta kvikmynd hans. Áður hefur hann leikstýrt myndum á borð við Fun with Dick and Jane, sem er frá árinu 2005 og skartaði Jim Carrey í aðalhlutverki, og gamanmyndinni Galaxy Quest frá 1999 með Sigourney Weaver í aðalhlutverki. Leikarahópur Red 2 er langur og öflugur. Með helstu hlutverk fara Bruce Willis, John Malkovich as Marvin Boggs, Mary-Louise Parker sem Sarah Ross, Catherine Zeta-Jones, Lee Byung-hun, Anthony Hopkins, Helen Mirren og Brian Cox. Myndin hlýtur 41 prósent í einkunn frá gagnrýnendum á vefsíðunni Rottentomatoes og 7,2 í einkunn á Imdb.com. Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Myndaveisla: Eliza Reid og Ásdís Spanó létu sig ekki vanta í Núllið Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
Red 2 er beint framhald grín- og hasarmyndarinnar Red frá árinu 2010. Hér bregður gamla brýnið Bruce Willis sér aftur í hlutverk fyrrverandi CIA-útsendarans Franks Moses. Söguþráður myndarinnar er á þann veg að Moses og kærasta hans, Sarah Ross, reyna eftir bestu getu að lifa eðlilegu lífi eftir atburði síðustu myndar. Dag nokkurn birtist Marvin Boggs, sem leikinn er af John Malkovich, og varar þau við því að líf þeirra sé í hættu því Moses á að hafa verið viðriðinn leynilega hernaðaraðgerð sem kallast Nightshade. Umrædd aðgerð varð til á tímum kalda stríðsins og var tilgangur hennar að smygla kjarnorkuvopni í pörtum til Rússlands. Boggs hefur auðvitað lög að mæla og á þríeykið brátt fótum sínum fjör að launa. Á sama tíma hefur Victoria Winslow, njósnari og gamall kunningi Moses og Boggs, samband við Moses og tilkynnir honum að hún hafi tekið að sér verkefni á vegum MI6 og verkefnið er að myrða Moses. Ekki nóg með það, heldur er leigumorðinginn Han Cho-Bai einnig á höttunum eftir aumingja Moses sem er hvergi óhultur. Nú ríður á að Moses komist til botns í málinu og bjargi þar með lífi sínu og kærustu sinnar.Stórkostlegur leikarahópur Leikstjóri myndarinnar er hinn bandaríski Dean Parisot og er þetta fimmta kvikmynd hans. Áður hefur hann leikstýrt myndum á borð við Fun with Dick and Jane, sem er frá árinu 2005 og skartaði Jim Carrey í aðalhlutverki, og gamanmyndinni Galaxy Quest frá 1999 með Sigourney Weaver í aðalhlutverki. Leikarahópur Red 2 er langur og öflugur. Með helstu hlutverk fara Bruce Willis, John Malkovich as Marvin Boggs, Mary-Louise Parker sem Sarah Ross, Catherine Zeta-Jones, Lee Byung-hun, Anthony Hopkins, Helen Mirren og Brian Cox. Myndin hlýtur 41 prósent í einkunn frá gagnrýnendum á vefsíðunni Rottentomatoes og 7,2 í einkunn á Imdb.com.
Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Myndaveisla: Eliza Reid og Ásdís Spanó létu sig ekki vanta í Núllið Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira