Risavaxin vélmenni mæta skrímslum Sara McMahon skrifar 18. júlí 2013 10:00 Kvikmyndin Pacific Rim skartar Charlie Hunnam, Rinko Kikuchi og Idris Elba í aðalhlutverkum. Myndin þykir mikið sjónarspil. Stórmyndin Pacific Rim gerist árið 2020 og segir frá því er risavaxin skrímsli frá annarri vídd ráðast á jörðina í þeim tilgangi að taka yfir þær náttúruauðlindir sem hér eru og útrýma mannfólkinu um leið. Til varnar þessum óvættum, sem kallast kaiju, taka þjóðir heimsins höndum saman og hrinda í framkvæmd verkefni er kallast Jaeger-áætlunin. Verkefnið felur í sér hönnun og smíði vélmenna sem eiga að vera jafnoki skrímslanna. Í fyrstu virðist áætlunin ætla að ganga upp en síðan fer aftur að síga á ógæfuhlið mannfólksins. Þótt útlitið sé svart ákveður Stacker Pentecost, yfirmaður Jaeger-deildarinnar, að berjast til síðasta vélmennis, í orðsins fyllstu merkingu, og fær til liðs við sig flugmann að nafni Raleigh Becket. Becket þessi hafði áður stýrt vélmenninu Gipsy Danger ásamt bróður sínum, en hætti störfum eftir andlát bróður síns. Úr verður að Becket stýrir Gipsy Danger ásamt Mako Mori, ættleiddri dóttur Pentecosts, og ætla þau að verjast eins lengi og þeim er það unnt. Það er mexíkóski leikstjórinn Guillermo del Toro sem leikstýrir kvikmyndinni, en hann er hvað þekktastur fyrir ævintýrahrollvekjuna Pan‘s Labyrinth. Með helstu aðalhlutverk fara bresku leikararnir Charlie Hunnam og Idris Elba, ásamt japönsku leikkonunni Rinko Kikuchi. Del Toro segist hafa valið Hunnam í hlutverk Beckets því honum þótti hann einlægur og vinalegur í fasi. „Hann er týpa sem fólk samsamar sig. Sem áhorfandi hugsa ég: Ég kann vel við þennan náunga, ég væri til í að fá mér nokkra bjóra með honum,“ sagði del Toro. Hann hrósaði jafnframt aðalleikkonu sinni, Kikuchi, og sagði hana hafa staðið sig eins og hetju á meðan á tökum stóð. „Hún var sú eina sem kvartaði aldrei undan líkamlegu álagi við tökur. Ég spurði hana hvert leyndarmál hennar væri og hún sagðist hugsa um gúmmíbirni og blóm. Ég geri það sjálfur í dag,“ sagði leikstjórinn. Kvikmyndin fékk 71 prósent í einkunn á vefsíðunni Rottentomatoes.com og 7,9 í einkunn á Imdb.com. Kvikmyndarýnar segja myndina vera „fáránlega góða skemmtun“ og mikið sjónarspil. Mest lesið „Ekkert okkar grunaði að hann myndi fara þessa leið“ Lífið Jóhanna Guðrún og Ólafur giftu sig Lífið Destiny's Child með óvænta endurkomu Lífið „Greyið, hann þarf að horfa á mig deyja“ Lífið Myndaveisla: Landinn skemmti sér konunglega í Vaglaskógi Lífið Bandaríkjaforseti birtir bull í bunkum Lífið Íslendingar geta verið sóðar Lífið samstarf Jóhanna Guðrún gæsuð Lífið Gervigreindarfyrirsæta í Vogue vekur ugg Tíska og hönnun Óvæntur Johnny Depp heiðraði Ozzy með Alice Cooper Lífið Fleiri fréttir Óþekkjanleg stjarna Ingvar E. valinn besti leikarinn í Grikklandi Malkovich klipptur út úr Hinum fjóru fræknu Reykjavík Visual Effects tilnefnt til tveggja Emmy-verðlauna Sleðinn úr Citizen Kane orðinn næstverðmætasti leikmunurinn Severance sópar að sér Emmy-tilnefningum Bestu hlutverk Michaels Madsen: Óþokki með viskýrödd og uppáhald Tarantino Djöfullinn klæðist Prada á ný Grindavík sigursæl erlendis Skapandi sumarstarf varð að þætti á laugardagskvöldum á RÚV Næsti Bond undir þrítugu og þrír efstir á blaði Villeneuve leikstýrir næstu mynd um James Bond Ólafur Darri og Hera Hilmars halda áfram að heilla heiminn Amatörar, hvalfirskur bóndi og barátta við borgina verðlaunuð Sjá meira
Stórmyndin Pacific Rim gerist árið 2020 og segir frá því er risavaxin skrímsli frá annarri vídd ráðast á jörðina í þeim tilgangi að taka yfir þær náttúruauðlindir sem hér eru og útrýma mannfólkinu um leið. Til varnar þessum óvættum, sem kallast kaiju, taka þjóðir heimsins höndum saman og hrinda í framkvæmd verkefni er kallast Jaeger-áætlunin. Verkefnið felur í sér hönnun og smíði vélmenna sem eiga að vera jafnoki skrímslanna. Í fyrstu virðist áætlunin ætla að ganga upp en síðan fer aftur að síga á ógæfuhlið mannfólksins. Þótt útlitið sé svart ákveður Stacker Pentecost, yfirmaður Jaeger-deildarinnar, að berjast til síðasta vélmennis, í orðsins fyllstu merkingu, og fær til liðs við sig flugmann að nafni Raleigh Becket. Becket þessi hafði áður stýrt vélmenninu Gipsy Danger ásamt bróður sínum, en hætti störfum eftir andlát bróður síns. Úr verður að Becket stýrir Gipsy Danger ásamt Mako Mori, ættleiddri dóttur Pentecosts, og ætla þau að verjast eins lengi og þeim er það unnt. Það er mexíkóski leikstjórinn Guillermo del Toro sem leikstýrir kvikmyndinni, en hann er hvað þekktastur fyrir ævintýrahrollvekjuna Pan‘s Labyrinth. Með helstu aðalhlutverk fara bresku leikararnir Charlie Hunnam og Idris Elba, ásamt japönsku leikkonunni Rinko Kikuchi. Del Toro segist hafa valið Hunnam í hlutverk Beckets því honum þótti hann einlægur og vinalegur í fasi. „Hann er týpa sem fólk samsamar sig. Sem áhorfandi hugsa ég: Ég kann vel við þennan náunga, ég væri til í að fá mér nokkra bjóra með honum,“ sagði del Toro. Hann hrósaði jafnframt aðalleikkonu sinni, Kikuchi, og sagði hana hafa staðið sig eins og hetju á meðan á tökum stóð. „Hún var sú eina sem kvartaði aldrei undan líkamlegu álagi við tökur. Ég spurði hana hvert leyndarmál hennar væri og hún sagðist hugsa um gúmmíbirni og blóm. Ég geri það sjálfur í dag,“ sagði leikstjórinn. Kvikmyndin fékk 71 prósent í einkunn á vefsíðunni Rottentomatoes.com og 7,9 í einkunn á Imdb.com. Kvikmyndarýnar segja myndina vera „fáránlega góða skemmtun“ og mikið sjónarspil.
Mest lesið „Ekkert okkar grunaði að hann myndi fara þessa leið“ Lífið Jóhanna Guðrún og Ólafur giftu sig Lífið Destiny's Child með óvænta endurkomu Lífið „Greyið, hann þarf að horfa á mig deyja“ Lífið Myndaveisla: Landinn skemmti sér konunglega í Vaglaskógi Lífið Bandaríkjaforseti birtir bull í bunkum Lífið Íslendingar geta verið sóðar Lífið samstarf Jóhanna Guðrún gæsuð Lífið Gervigreindarfyrirsæta í Vogue vekur ugg Tíska og hönnun Óvæntur Johnny Depp heiðraði Ozzy með Alice Cooper Lífið Fleiri fréttir Óþekkjanleg stjarna Ingvar E. valinn besti leikarinn í Grikklandi Malkovich klipptur út úr Hinum fjóru fræknu Reykjavík Visual Effects tilnefnt til tveggja Emmy-verðlauna Sleðinn úr Citizen Kane orðinn næstverðmætasti leikmunurinn Severance sópar að sér Emmy-tilnefningum Bestu hlutverk Michaels Madsen: Óþokki með viskýrödd og uppáhald Tarantino Djöfullinn klæðist Prada á ný Grindavík sigursæl erlendis Skapandi sumarstarf varð að þætti á laugardagskvöldum á RÚV Næsti Bond undir þrítugu og þrír efstir á blaði Villeneuve leikstýrir næstu mynd um James Bond Ólafur Darri og Hera Hilmars halda áfram að heilla heiminn Amatörar, hvalfirskur bóndi og barátta við borgina verðlaunuð Sjá meira