Höfum áður farið erfiða leið

Það verður heldur betur stórleikur í 8-liða úrslitum Borgunarbikars kvenna þegar Valur tekur á móti Stjörnunni að Hlíðarenda.

„Mér líst bara vel á þetta,“ sagði Þorlákur Árnason, þjálfari Stjörnunnar, eftir dráttinn. „Við fórum erfiðustu leiðina í bikarnum í fyrra og það skiptir engu máli hvaða liði maður mætir, þú þarft alltaf að fara í gegnum bestu liðin til að vinna þennan bikar.“

„Valur er klárlega með mjög gott lið og þær eiga án efa eftir að leggja mikla áherslu á bikarinn vegna stöðunnar í deildinni. Þetta verður mikil áskorun fyrir okkur.“