Indiana lagði meistarana

Það var stórleikur í NBA-deildinni í nótt þegar Indiana Pacers tók á móti Miami Heat. Indiana sýndi styrk sinn í leiknum með því að vinna sex stiga sigur á meisturunum.

Liðið er þar með búið að vinna alla tíu leiki sína á heimavelli í vetur en slíkum árangri hefur liðið aldrei náð í sögunni.

Líkt og áður í vetur var lið Indiana geysisterkt í síðari hálfleik en liðið vann seinni hálfleikinn 50-37. Roy Hibbert skoraði 24 stig fyrir Indiana og þeir Paul George og David West 17.

LeBron James og Dwyane Wade skoruðu báðir 17 stig fyrir Miami.

Úrslit:

Cleveland-NY Knicks  109-94

Indiana-Miami  90-84

Toronto-San Antonio  103-116

Atlanta-Oklahoma  92-101

Brooklyn-Boston  104-96

Detroit-Minnesota  94-121

Chicago-Milwaukee  74-78

LA Lakers-Phoenix  108-114