Bieber kallar aðdáanda hval

Poppprinsinn Justin Bieber vakti ekki mikla lukku á hótelinu Hyatt Regency í Perth í Ástralíu um helgina. 

Justin kallaði unga konu strandaðan hval en konan klæddist bikiníi með þremur vinkonum sínum við hótelsundlaugina.

"Ein stúlkan var mjög myndarleg, með sítt, dökkt hár og örugglega í stærð 14. Justin horfði á hana og sagði: "Hvaðan ertu, frá Havaí eða eitthvað?" Hún neitaði því. Þá sagði hann: "Þú lítur út eins og strandaður hvalur. Þú ættir að taka þátt í The Biggest Loser"," segir Helen Robinett sem varð vitni að atvikinu.

Hún bætir við að allir í kringum þau hafi heyrt þetta og að þögn hafi slegið á hópinn.