Ítalska flugfélagið Alitalia á barmi gjaldþrots

Ítalska flugfélagið biðlar nú til erlendra fjárfesta um björgun, en félagið er skuldum vafið og þarf á 300 milljónum evra að halda fyrir 8. desember. Mbl greinir frá þessu.

Þrátt fyrir þetta eru stjórnendur fyrirtækisins bjartsýnir á að geta útvegað nægt fjármagn til að koma í veg fyrir gjaldþrot þess. Núverandi hluthafar hafa lagt 173 milljónir evra til félagsins.

Þó hefur ekki tekist að sannfæra Air France KLM, stærsta hluthafann með 25% hlut, um að auka við hlut sinn.